Sommarskule og elveleik 2026
I 2026 vert det GRATIS elve-aktivitetar på følgande datoar:
Veke 31 mandag 27. - fredag 31. juli:
Gruppe 1 (alder 10-13 år): Kl 9 - 12.30
Gruppe 2 (alder 13-16 år): Kl 13 - 16.30
Veke 32 mandag 3. - fredag 7. august:
Gruppe 3 (alder 10-13 år): Kl 9 - 12.30
Gruppe 4 (alder 13-16 år): Kl 13 - 16.30
Veke 33 mandag 10. - torsdag 13. august:
Anbefalar denne om du har vert med før og vil lære mer!
Gruppe 5 Sommerskole elvekajakk 10-16 år: Kl 9 - 12.30
Vil du prøve elveaktiviteter bare ein dag (alder 10-16 år)?
Mandag 10. august kl 13-16.30
Tirsdag 11. august kl 13-16.30
Onsdag 12. august kl 13-16.30
Torsdag 13. august kl 13-16.30
Innføring i elvebading på Bjørke 1. august
Gratis for alle mellom 10-16 år!
Minner for livet!
Våre engasjerte instruktørar gler seg til å ta deg med på elva, enten det er i raften, på elvebrett, i oppblåsbar kano eller kajakk 🤩 Me har fokus på lagarbeid, tryggleik i vatn, og ikkje minst masse leik og moro ute i fri natur. Me får kjekke minner med andre likesinna - mange nye vennskap har blitt knytta på desse ferie-aktivitetane!
Kven kan bli med på sommarskulen?
Sommarskulen er for born og unge mellom 10-16 år. Det er ingen krav om ferdigheiter men det er stor fordel om du likar vatn, for me kjem til å vere mykje i det våte element! Me har uansett trygge, gode instruktørar som passar på at du har det bra, både i og utafor elva. Du får låna alt utstyr du treng, og me serverer god lunsj kvar dag.
Er du ikkje gammel nok for sommarskulen endå? Om du får med deg ein vaksen kan du bli med på eigen familiedag med elveleik! Sjekk det ut her: vosselveklubb.no/familie-elveleik/
Informasjon 2026
Oppmøtestad: Magasinvegen 26, Voss
Lunsj: Inkludert
Utstyr: Alt naudsynt utstyr vert sørga for av klubben, inkludert våtdrakt, men ta gjerne med om du har eigen.
Transport: Me kjem til på bruke elva på Tvildemoen, som ligg i gangavstand frå Voss sentrum, men det er kjekt å oppleva andre stader på Voss også. Me bruker sykkel som transportmiddel.
Påmelding
Det er berre høve til å melda seg på ein av følgande aktivitetar. Er det fullt? Set deg på venteliste nedafor.
Venteliste
Dersom kurset du ville på er fullt, kan du sette deg på venteliste, og me sender ut ei melding dersom det vert ein ledig plass. Då er det førstemann til mølla prinsippet som gjeld.
Sommarjobb på sommarskulen!
Ungdom mellom 16-24 år kan søka om sommarjobb på sommarskulen. Arbeidsoppgåvene er primært:
- hjelpe til med utstyr på land og på vann
- vere med og bidra til at alle har det kjekt saman
Det er kjempebonus om du har litt erfaring med elvepadling, at du kan rulle og klare deg sjølv på grad 2 elv. Det viktigaste er at du har positiv energi!
Du søker på denne jobben ved å sende ein epost til hei@vosselveklubb.no.
Ta med i eposten:
- kor gammel du er
- kva erfaring og evt kurs du har på elv
- om du har erfaring med å jobbe med barn
Søknadsfrist 1. juni
Artikkal frå Avisa Hordaland, Sommarskulen 2022
Bilete frå sommarskulen:
Støttespelarar
I 2026 får klubben stønad frå Gjensidigstiftelsen og Hardangerstiftinga, slik at dei unge har trygt og sikkert utstyr, og elveaktivitetane vert gratis for alle born mellom 10-16 år. Me tilbyr også sommarjobb til unge mellom 16-24 år. Meny Voss har gitt klubben ein super avtale slik at me kan servera dei unge sunn og god mat kvar dag.
